Эртэч Газарчин аянд "Соён гэгээрүүлэгч" телевизийн Ерөнхий захирал Ш.Хишигсүрэн оролцож мэдлэгээ хуваалцлаа.

Эртэч Газарчин аянд "Соён гэгээрүүлэгч" телевизийн Ерөнхий захирал Ш.Хишигсүрэн оролцож мэдлэгээ хуваалцлаа.

Уламжлал болгон зохион байгуулдаг Эртэч Газарчин аянд маань "Соён гэгээрүүлэгч" телевизийн Ерөнхий захирал, Монголын Телевизүүдийн холбооны тэргүүн дээд "Шилдгийн шилдэг сэтгүүлч, Алтан шонхор" шагналт Ш.Хишигсүрэн уригдан ирж багш, ажилтан, суралцагсдын оюунд хөрөнгө нэмэх буяны цагаан замын үргэлжлэл боллоо. 

Тэрээр "Эрин үе: Залуучууд, Боловсрол" сэдвээр лекц тавьсан юм. Лекцэд залуучуудын өнөөгийн боловсрол хандлага, Монголын залуучууд дэлхийд хаана явж байгаа тухай сонирхолтой яриа өрнүүлсэн юм. Мөн хүний насны тухай, хичнээн их оюуны чадвар, чадалтай болохыг олон жишээн дээр тайлбарлан ярьсан нь хүмүүст илүү өгөөжтэй сайхан сургалт боллоо. Түүнчлэн монголын өнөөгийн нийгмийн тулгамдсан асуудлын нэг "Цахим орчин, түүний хэрэглээ" ямар байгаа талаар тайлбарлан соёлтой ухаалаг ашиглахыг уриалсан юм. Энэ үеэр манай эрдэмтэн мэргэд уригдан ирж өөрсдийн сэтгэгдлээ хуваалцан лекцийн гол утга санааг дүгнэн, оюутан залууст захиас, сургамж хэлж байлаа.